مه‌لك و خه‌لكێ كوێله
دبێژن مه‌لكه‌ك
هه‌بو گه‌له‌ك يێ زوردارب و نه‌شالبو , وى مه‌لكى برياردا ئه‌ردێ خو هه‌ميێ بكه‌ته
باجان و وان باجانا بگرانى فروشيته خه‌لكێ خو ده‌مێ باجانێت وى گه‌هشتين گوته
عاقلدارێ خو من دڤێت بهايێ باجانا بكه‌مه دووقات و بفروشمه خه‌لكێ خو بومن رێكه‌كێ
ببينه , عاقلدارێ وى گوتێ ئه‌زبه‌نى بێژه وه‌زيرێ خو بلا بچيته ناف خه‌لكى و
بێشته خه‌لكى مه برياردا بهايێت هه‌مى تشتا بكه‌ينه دوو قات , ده‌مێ وه‌زير
چويه ناف خه‌لكيدا و ئه‌و برياره گه‌هانده خه‌لكى خه‌لكى هه‌ميێ خو نه‌رازيكر و
ده‌ست ب خوپيشاندانا كرن و چونه به‌ر ده‌رگه‌هێ قه‌سرا مه‌لكى , لويده‌مى مه‌لك
ترسيا و گوته عاقلدارێ خو ئه‌ڤه ته چكر نوكه ئه‌م چبكه‌ين عاقلدار گرنژى وگوتێ
ئه‌زبه‌نى نوكه هه‌ره نافخه‌لكى و بێژێ مه بريارا وه‌زيرى ره‌فزكر و مه
برياردا بهايێت هه‌مى تشتا وه‌كى خو بمينن تنێ بهايێ باجانا دێ بيته دوو قات , ده‌مێ
مه‌لكى وه‌گوتيه خه‌لكێ خو هه‌ميا گوتێ ئه‌زبه‌نى ئه‌م مه‌منونێت ته‌ينه كو ته
تنێ بهايێ باجانا زێده‌كر.
مه‌ره‌م ژڤێ
چيروكێ ده‌مێ سياسه‌تمه‌دارى بڤێن بهايێ تشته‌كى زێده‌كه‌ن و خه‌لك مه‌منونبن
هه‌روه‌كى عاقلمه‌دارێ مه‌لكى دكه‌ن دا خه‌لك نه‌بتنێ رازيبن به‌لكو مه‌منونژيبن.
