ئێکگرتن
ئەو بناغەو ستونا ئاڤاکرنا قەوارەو دەولەت و حوکمداریێ، ئێکگرتن ئەو هیڤی و خۆزیا سەد سالیا شاعێرو روناکبیرو شورەشڤانێن گەلێ مە ، ئێک نەگرتن ئەو دەرازینک ودەرزا کوژەکا هەردەم دوژمن تێرا دەرباز بویە دناڤ خەون و خیالێن گەلێ مە و ژ ناڤ برین و هەرفاندین. ئەڤ بابەتێ هەنێ هەڤیرەکە ئاڤەکا زور دڤێت ،نەخاسمە بو گەلو وەلاتێ مە، ئێک نەگرتنا کوردان ئەڤرو بویە ئاریشەک و نەخوشیەکا درێژخایەن کو ژمێژە ئەم کورد ب ڤێ چەندی حەسیاینە و ئەم باش دزانین کو ئەگەر ئەم د ئێکگرتی نەبین دێ بسەناهی ژ ناڤ چین ، ئەڤ چەندە د بەرهەم شعرێن شاعێرێن وەلاتێ مە دا رەنگڤەدایە مینا( جگەر خوین)دەمێ دبێژیت:( ئەگەر هون نەبن یەک هون دێ هەرن یەک ب یەک)دیسان بەری سەدان سالە خانی و حاجی قادرو جزیری و ب گرە سەدان نڤیسەرو سەرکردێن کود دوپاتی لسەر ڤێ چەندێ کریە.و هەتا نوکەژی ئێک ژ ئاریشێن هەری مەزن د رێکا دوزا گەڵێ کورد دا بێ تفاقی و بێ باوەری و ئێک نەگرتنە (تارێک نەکەون قەبیلی ئەکراد هەر وا دەبن خرابە ئاباد)ئەڤ ئێک ژ گوتنێن حاجی قادرە. ب راستی ژی ئەم کورد مللەتەکێ ئێک نەگرتی و پەرتەوازەینە ، راستە ئەم یێت هاتینە دابەشکرن و ئەڤ راستیە لسەر مە سەپاندیە ، لێ بەشەکێ وێ ژی بو مە دزڤریت ، و سەرکردەو رێبەرێن مە دزڤریت ،دڤێت ئەم هزر د ئاڤاکرنا تاکێ کوردا بکەین .شورهەکێ لدور کەسایەتی و وژدانا خو چێکەین ، لدور سەروک و سەرکردەیەکێ کوم ببین ،بەرژەوەندین تاکەکەسی و حزبایەتی بدەینە رەخەکێ ،ملەتەک بین کو چاوا ل دەهواتا ئەم دەستێ هەڤ دگرین وەسا ل شورەش سەرکەفتنا ژی د هەڤ گرتی بین چونکی سەرکەفتنا کوردەکێ ل هەرپارچەیەکێ سەرکەفتنا هەمی کوردانە و بەروڤاژی،لەوما دیسا ب ئێک دەنگ دا بێژین:کوردستان ئێک پارچەیە قامیشلو هەلەبچەیە.
